خدمات پژواک

بخش عکاسى پژواک

پوشش خبری انتخابات

صفحه ویژۀ معادن

Afghan Peace Process Special Page

خدمات پيام هاى تجارتى پژواک

Daily Newsletter

Language
Sending Time (GMT / Kabul time)

ولسمشر: هغو افرادو او ډلو سره چې خلک ځوروي، قاطع چلند وکړم

ولسمشر: هغو افرادو او ډلو سره چې خلک ځوروي، قاطع چلند وکړم

Nov 25, 2017 - 19:48

کابل (پژواک ٤ ليندۍ ٩٦): ولسمشر غني وايي، له هغو افرادو او ډلو سره چې خلک ځوروي، پرېکنده چلند وکړي.

نوموړي دغه خبرې، نن ماښام د فاریاب ولایت د دولت اباد ولسوالۍ د خیراباد کلي له څو مشرانو سره په کتنه کې کړې دي.

د ولسمشرۍ له مطبوعاتي دفتر څخه پژواک خبري اژانس ته په رالېږل شوې خبرپاڼه کې راغلي، په دغه کتنه چې په ارګ کې وشوه، هغوی د امنیتي او سیمه ییزه ستونزو او دغه راز د غیر مسوولو وسله والو د ناوړه چلند په اړه خبرې وکړې.

یادو مشرانو د امنیت د ټینګښت د غوښتنې ترڅنګ، په خیراباد کلي کې وروستیو پېښو ته د رسیدګۍ او د عاملینو پر مجازاتو ټینګار وکړ.

ولسمشر غني د دوی د غوښتنو او وړانديزونو له اورېدو وروسته، د دې مشرانو د صبر او حوصلې مننه وکړه او وې ویل، د افغانستان اساسي قانون د ټولو هېوادوالو پر حقونو ټینګار کوي.

هغه زیاته کړه: "افغانستان د ټولو هېوادوالو لپاره د امن کور دی او زه به د وسله وال پوځ د اعلی سرقومندان په توګه له هغو افرادو او ډلو سره چې خلک ځوروي، قاطع چلند وکړم."

د ده په وينا، حکومت یاده موضوع تعقیبوي او د هېواد د نافذه قوانینو په رڼا کې به د هغو پر وړاندې چې د خلکو د ځورونې لامل ګرځي، اقدام کېږي.

دغه راز ده ويلي، په ټولو سیمه ییزه ادارو کې هراړخیز اصلاحات راشي، ترڅو د دې ډول پېښو د تکرار مخنیوي وشي.

گزارش های مربوطه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

تبصره کنيد

اعلانات

Advertisement