Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

له دوولسم ټولګيو سلګونو فارغانو ته د کارموندنې او ظرفيت لوړونې زده کړې ورکړل شوې

له دوولسم ټولګيو سلګونو فارغانو ته د کارموندنې او ظرفيت لوړونې زده کړې ورکړل شوې

By
On
Feb 18, 2017 - 19:06

پل علم (پژواک، ٣٠ سلواغه ٩٥): په لوګر ولايت کې سلګونو د دوولسم ټولګيو فارغانو ته د کار موندنې او ظرفيت لوړونې په برخو کې درې مياشتنې زده کړې ورکړل شوې.

د دې کسانو په فراغت غونډه کې چې نن د سلواغې په ٣٠مه، جوړه شوې وه، د لوګر والي حليم فدايي وويل چې د افغانستان د موفقت موسسې لخوا د لوګر د مرکز او ولسواليو ٣٠٠٠ زده کوونکو چې ٣٦٠ يې نجونې وې، يادې زده کړې ورکړل شوې.

ده زياته کړه، د دوولسم زياتره فارغين چې وغواړي په حکومت کې دنده ترلاسه کړي، نو کاري تجربه ترې غواړي؛ نو په همدې درې مياشتنۍ دوره کې يادو کسانو ته د کار موندنې زمينه مساعده شوه، چې په راتلونکي د کار موندلو په برخه کې به ورسره مرسته وکړي.

د افغانستان د موفقت موسسې مشر سميع الله رحماني وويل چې له بده مرغه، کله چې يو ځوان له دوولسم ټولګي او يا پوهنتون څخه فارغ شي، نو له هغوى څخه د دندې ترلاسه کولو په وخت کې کاري تجربه غواړي، نو په همدې بنسټ يې وغوښتل چې د لوګر ځوانانو ته کاري زمينه برابره کړي، ترڅو کاري تجربه پيدا کړي.

د هغه په وينا، يادو کسانو په خپلو اړوندو لېسو کې له دولتي مامورينو سره څنګ په څنګ کې اداري او نورې بېلابېلې چارې زده کړې دي.

د لوګر د ولايتي شورا غړي قسيم خوشيوال بيا وويل چې د لوګر زياتره ځوانان له بېکارۍ سره مخامخ دي.

نوموړي له يادې موسسې وغوښتل چې د زده کړې درې مياشتنۍ دوره دې شپږو مياشتو ته وغځوي.

له دې دورې څخه فارغ روزدين چې د محمد اغۍ ولسوالۍ په لېسه کې يې کاري تجرپه ترلاسه کړې، پژواک خبري اژانس ته وويل چې په دې درې مياشتو کې يې وکولى شول په اداري برخه کې معلومات ترلاسه کړي.

د ده په خبره، دا چې اقتصادي وضعيت يې ښه نه دى، نو اړ دى چې د دوولسم ټولګي له فراغت وروسته، دنده پيدا کړي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update