Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

د جلال اباد ښاروالۍ له لوري د پاک او زرغون ښار پروژې چارې پيل شوې

د جلال اباد ښاروالۍ له لوري د پاک او زرغون ښار پروژې چارې پيل شوې

By
On
Mar 13, 2017 - 19:38

جلال اباد(پژواک،۲۳کب۹۵): د جلال اباد ښاروالۍ له لوري په دغه ښار کې د سرسبزۍ او بنسټيزو کارونو د ترسره کولو په موخه د پاک او زرغون ښار پروژې عملي چارې پيل شوې.

د جلال اباد ښاروال حميد الله افغان  د کب په ۲۳مه د يادې پروژې د عملي پيل په مراسمو کې  چې د جلال اباد عيدګاه جومات کې ترسره شول، وويل، د دې پروژې اصلي موخه بې روزګاره ځوانانو ته کار موندنه  ده.

د نوموړي د معلوماتو له مخې، په دغه پروژه کې چې دوه کاله به دوام وکړي، هره ورځ به شاوخوا پنځه سوه کسانو ته د کار زمينه برابره کړي  چې د کار په بدل کې به ورته مناسب معاش هم ورکول کېږي.

جلال اباد ښاروال زياته کړه چې د دغې پروژې پرمهال چې د (USAIDinfo-icon) په مالي مرسته او د يو اين هبيتات موسسې په تخنيکي همکارۍ پلې کيږي جلال اباد ښار ته به ځانګړې ښکلا ورکړل شي.

د حميد الله افغان په وينا، چې په دغه پروژه کې د جلال اباد ښار د واټونو ښکلا، د کټارو لګول، د سړکونو ترميم او جوړول، د ښځو لپاره د يو ځانګړي پارک رامنځته کول او د ګذر وکيلانو او شوراګانو په خوښه د ځينو نورو بسنټيزو پروژو ترسره کول هم شامل دي.

نوموړی وايي چې د پروژې په يوه برخه اته سوه زره او پر بلې برخې ٩٠ زره امريکايي ډالره لګول کيږي.

دی وايي چې دغه ټولې پيسې او کارونه د ښار په ټولو ناحيو ويشل کېږي او ټولو ناحيو ته د اړتيا ترڅنګ يو شان ونډه ورکول کېږي.

د ننګرهار د ولايتي شورا غړي اسرار الله مراد ياده پروژه په جلال اباد ښار کې د بې روزګارۍ د کچې د کموالي او دغه راز د دغه ښار د ښکلا لپاره ګټوره وبلله.

نوموړي وويل، چې يادې پروژې سره به په جلال اباد ښار کې سلګونه کسانو ته کار پيدا شي او په مرسته به يې په ننګرهار کې د بېکارۍ کچه کمه شي.

دغه راز احمد الله چې په دغه پروژه کې ورته د کار زمينه براره شوې وه، پژواک سره د خبرو پرمهال وويل  چې تر دې وړاندې به د جلال اباد ښار په مختلفو سيمو کې د کار لپاره ګرځېده؛ خو کار ورته نه پيدا کېده.

هغه وويل چې ډير کله ورته په ورځو ورځو کار نه پیدا کېده؛ خو اوس هيله مند شوی، چې د راتلونکو دوو کلونو لپاره به نور  وزګاره نه وي.

د يادولو ده چې جلال اباد ښار کې تر دې وړاندې هم د ښاروالۍ له لوري د ښارپاکوالو او ځوانانو ته د کار موندنې پروژې پلې شوې دي.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update