Pajhwok Services

SMS News Service

Photo Service

Election Coverage

Special Mining Page

Afghan Peace Process Special Page

Addvertise With Pajhwok

Daily Newsletter

Language
Sending Time (GMT / Kabul time)

Suggest a Story

Pajhwok is interested in your story suggestions. Please tell us your thoughts by clicking here.

"حکومت بايد د دوديزې لويې جرګې له جوړېدو وېره ونه لري"

"حکومت بايد د دوديزې لويې جرګې له جوړېدو وېره ونه لري"

By
On
Nov 23, 2017 - 16:03

 

کابل (پژواک، ٢ ليندۍ ٩٦): د افغانستان د واليانو ټولنه د هېواد د قضيو د حل لپاره د دوديزې لويې جرګې د جوړېدو غوښتونکې ده او وايي چې دغه جرګه د بېلابېلو بهيرونو له خوا د مطرح شوو نورو وړانديزو په پرتله  رغوونکى رول لري.

لويه جرګه، د هېواد د قومي او سياسي شخصيتونو او مشرانو تر ټولو ستره غونډه ده او د افغانستان د بحراني حالاتو په اړه تشکيل شوې ده. دغه دوديزه جرګه چې په افغانستان کې ډېره مخينه لري، په ډېرو مواردو کې د پاچا يا ولسمشر له خوا رابلل شوې چې انتخابي او انتصابي غړي لري.

خو اوس دوديزه لويه جرګه قانوني او حقوقي مقام نه لري؛ ځکه لويه جرګه د هېواد د اساسي قانون په ١١٠مه ماده کې چې په ١٣٨٢ کال د لويې جرګې له خوا تصويب شو، تعريف شوې ده.

په ياده ماده کې راغلي چې لويه جرګه د افغانستان د خلکو د ارادې تر ټولو ستره څرګندويه ده. لويه جرګه د ملي شورا له غړو، د ولايتي او ولسواليو شوراګانو له مشرانو څخه جوړه ده.دغه راز په ياد ماده کې راغلي چې وزيران، د سترې محکمې او لويې څارنوالۍ مشران او غړي د لويې جرګې په ناستو کې د رايې له حق پرته ګډون کولاى شي.

د افغانستان د واليانو ټولنې مشر عبدالجبار تقوا چې پخوا يې د کابل او تخار د والي په توګه دنده ترسره کړې، نن په کابل کې يوې خبري غونډې ته وويل چې په اوسنيو شرايطو کې د اساسي قانون دودويزه لويه جرګه چې لا هم د ولسواليو شوراګانو ټاکنې نه دي ترسره شوې، ناشونې ده.

د هغه په وينا، له يوې خوا د ملي يووالي حکومت د ولسي جرګې او ولسواليو شوراګانو د ټاکنو ترسره کېدو او د اساسي قانون لويې جرګې د جوړېدو په اړه خپلې ژمنې نه دي عملي کړې او له بلې خوا د هېواد امنيتي، سياسي او اقتصادي وضعيت هم خراب شوى دى.

د هغه په وينا، د دې ستونزې د حل لپاره ځينو سياسي بهيرونو وار له مخې د ولسمشريزو ټاکنو ترسره کېدو، د لنډمهال حکومت جوړېدو، د حکومت د مشرانو استعفا او د دوديزې لويې جرګې ترسره کېدو په څېر وړانديزونه کړي دي.

هغه زياته کړه چې حکومت بايد له دغو څخه يوه لاره انتخاب کړي.

تقوا د دوديزې لويې جرګې ترسره کېدل تر ټولو رغوونکې ټاکنه وبلله او ويې ويل: "د دوديزې لويې جرګې له جوړېدو څخه زموږ موخه، د نظام پرځېدل نه دي، بلکې نظام ته مشروعيت ورکول دي؛ زموږ موخه د جګړې بندېدل، سوله راوستل او تر يوه چتر لاندې د ټولو قشرونو راټولېدل دي او دوديزه لويه جرګه کولاى شي چې ټول تر يوه چتر لاندې راټول کړي."

تقوا وويل چې دوديزه لويه جرګه تر ټولو غوره انتخاب و او دى؛ ځکه په دوديزه لويه جرګه کې پر اغېزناکو شخصيتونو، حقوقپوهانو او د مدني ټولنې پر استازو سربېره د دولت وسله وال مخالفين هم ګډون کولاى شي.

هغه زياته کړه چې حکومت بايد د دوديزې لويې جرګې له جوړېدو څخه وېره ونه لري؛ ځکه دغه جرګه نظام ته د مشروعيت ورکولو په موخه جوړېږي او حکومت بايد د نظام د پياوړتيا او ټينګښت په لړ کې کار وکړي.

هغه ادعا وکړه چې د مشرانو جرګې انتصابي غړى شېرمحمد اخندزاده او د ولسمشر سلاکار احمدالله عليزى ځکه له خپلو دندو څخه لرې شول چې د دوديزې لويې جرګې د جوړېدو غږ يې پورته کړى و.

هغه وويل: "حکومت د څو تنو په ګوښه کېدو سره د ملت غږ نه شي غلى کولاى."

دا په داسې حال کې ده چې د افغانستان پخواني ولسمشر حامد کرزي د روان کال د تلې په ٢٠مه نېټه وړانديز وکړ چې له اوسنيو ستونزو څخه د هېواد د وتلو لپاره دې دوديزه لويه جرګه جوړه شي.

هغه ويلي وو چې په دې جرګه کې بايد د طالبانو په شمول  د افغانستان ټول قشرونه  ګډون وکړي او له اوسنيو ستونزو څخه د وتلو لپاره دې د حل لارې پيدا کېدو په اړه دې بحث وکړي.

هغه ټينګار کړى وو چې په هېواد کې سولې او امنيت ته د رسېدو لپاره د دوديزې لويې جرګې ترسره کېدو ته اړتيا ده.

Related Article


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

Add new comment

Advertisement

Advertisement

Twitter Update