Status message

د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پاکستان د پوځ مشر د افغانستان په امنيت کې د ناټو د رول ستاينه وکړه

د پاکستان د پوځ مشر د افغانستان په امنيت کې د ناټو د رول ستاينه وکړه

Jan 10, 2017 - 11:35

کابل  (پژواک، ٢١ مرغومى ٩٥):د پاکستان د پوځ مشر د افغانستان په امنيت او ثبات کې د ناټو ځواکونو د ماموريت د رول ستاينه کړې ده.

د پاکستان د پوځ د عامه اړيکو له دفتر ( اى اېس پي ار) لخوا د مرغومي په ٢١مه، په يوه خپره شوې خبرپاڼه کې راغلي چې په افغانستان کې د ناټو د روزنې د ماموريت او امريکايي ځواکونو عمومي قوماندان جنرال جان نېکولسن پرون پاکستان ته سفر درلود.

سرچينې زياته کړې، جنرال نېکولسن په راولپنډۍ کې د پاکستان د پوځ نوي مشر جنرال قمر جاوېد باجوه سره وليدل.

په خبرپاڼه کې راغلي چې ددې ليدنې پر مهال جنرال باجوه د افغانستان د امنيت او ثبات لپاره د ناټو د روزنې د ماموريت د هلو ځلو او رول ستاينه وکړه.

دغه راز د پاکستان د پوځ مشر افغانستان ته له راپېښو ګواښونو سره په مقابله کې د افغان ملي ځواکونو د وړتيا لوړولواو دوامدارې همکارۍ په برخه کې د ناټو د روزنې د ماموريت پر رول اعتراف وکړ.

په خبرپاڼه کې راغلي،ددې ليدنې پر مهال  دواړو خواوو د ډيورنډ له فرضي کرښې سره د ګډ امنيتي مېکانېزم پر جوړولو ټينګار وکړ او ويې ويل چې په دې برخه کې د ناټو د روزنې ماموريت مهم رول لوبولى شي.

سرچينې ويلي چې په راولپنډۍ کې تر  يادې ليدنې وروسته د پاکستان د پوځ مشر جنرال باجوه او د ناټو قوماندان جنرال نېکولسن د قبايلي سيمې شمالي وزيرستان ته سفر وکړ، چېرته چې له تېرو دوو کلونو راهيسې د پاکستان پوځ د وسله والو پر ضد د (ضرب غضب) په نامه عمليات پيل کړي دي.

د پاکستان پو‌ځ ويلي چې ‌ځايي پوځي چارواکو دواړو جنرالانو ته د يادو عملياتو او بيارغونې کارونو په اړه معلومات ورکړل.

د يادونې ده چې تر دې مخکې هم د ناټو قوماندان د پاکستان پوځي چارواکو سره د ليدنو او خبرو لپاره دغه هېواد ته سفرونه کړي دي. 

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement