د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

وسله والو د لوګر له ازرې څلور قومي مشران تښتلولي

وسله والو د لوګر له ازرې څلور قومي مشران تښتلولي

Feb 08, 2017 - 16:05

پل علم (پژواک، ٢٠ سلواغه ٩٥): په لوګر کې سيمه ييز چارواکي ادعا کوي چې وسله والو طالبانو د ازرې ولسوالۍ څلور قومي مشران تښتولي دي.

د لوګر د ازرې ولسوال حميدالله حميد د سلواغې په ٢٠مه پژواک خبري اژانس ته وويل چې درې ورځې وړاندې د دې ولسوالۍ د درې خولې په سيمه کې طالبانو څلور قومي مشران له موټره ښکته کړي او له ځان سره یې بيولي دي.

ده وويل چې د يادو کسانو د خلاصون په موخه يې څو ځلې طالبانو ته جرګه لېږلې خو تر اوسه يې نتيجه نه ده ورکړې.

هغه زياته کړه: ((د طالبانو غوښتنه تر اوسه معلومه نه ده خو يوازې دومره يې ويلي چې دغه کسان يې ځکه وړې دي چې له حکومت سره يې همکاري کوله.))

ولسوال وايي هڅه کوي څو دغه موضوع د قومي جرګې له لوري حل کړي څو بله معامله پکې ونه شي.

د لوګر د ولايتي شورا غړي عبدالولي وکيل هم ياده پېښه تاييد کړه او ويې چې دې خلکو له حکومت سره هيڅ ډول همکاري نه لرله.

هغه زياته کړه: ((دغه بېچاره ګان يواځې د خلکو نماينده ګان وو، له حکومت او بل چا سره يې همکاري نه لرله.))

وکيل ټينګار وکړ چې طالبان بايد دغه کسان هر څه ژر  خوشي کړي ځکه چې بې ګناه دي.

وسله والو طالبانو تر اوسه په دې اړه څه نه دي ويلي.

دا په داسې حال کې ده چې تير کال هم وسله والو طالبانو د ازرې ولسوالۍ ١٥ قومي مشران بيولي وو خو له يو څه موده وروسته يې بيرته راه خوشې کړل.

ازره د لوګر د نا امنو ولسواليو څخه ده چې د تيرو ١٤کلونو راهيسې لاره له مرکز پل علم سره تړل شوې ده.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement