د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوګر کې د یوه قوماندان په ګډون ۱۶ طالبان وژل شوي

لوګر کې د یوه قوماندان په ګډون ۱۶ طالبان وژل شوي

Mar 02, 2017 - 15:44

پل علم (پژواک، ١٢ کب ٩٥): په لوګر کې سيمه ييز چارواکي ادعا کوي چې په څرخ ولسوالۍ کې د يو قوماندان په ګډون ١٦ طالبان وژل شوي دي.

د لوګر د والي وياند سليم صالح د کب په ١٢مه پژواک خبري اژانس ته وويل چې تېره شپه ځمکني او هوايي امنيتي ځواکونو د څرخ ولسوالۍ په پنګرام سيمه کې عمليات کړي دي.

هغه وايي چې په دغو عملياتو کې د طالب قوماندان ملا ثناءګل په ګډون ١٦ طالبان وژل شوي او يو شمېر وسلې او مهمات يې د امنيتي ځواکونو لاس ته ورغلي دي.

هغه وويل: ((دغه عمليات له کابل څخه پروګرام شوي وو چې هوايي او ځمکنيو ځواکونو په کې برخه لرله.))

د صالح په وينا، ملا ثناګل په دې سيمه کې د طالبانو له خطرناکو قوماندانو څخه شمېرل کېده چې څو کاله يې د افغان دولت پر وړاندې وسله وال فعاليت درلود.

د هغه د معلوماتو له مخې، په وژل شوو کې اته بهرني طالبان هم شامل دي چې چيچيني او عرب دي.

د پنګرام سيمې اوسېدونکي سيد هلال پژواک ته وويل: ((تېره شپه دوه بجې به وې چې اول يوه طياره راغله او بم یې واچاو، وروسته بيا د ډزو غږونه راتلل.))

د هغه په وينا، سهار پوه شول چې د تېرې شپې په بريد کې ګڼ شمېر طالبان وژل شوي دي.

وسله والو طالبانو تر اوسه په دې اړه څه نه دي ويلي.

څرخ د مرکز پل علم سوېل ته په ٣٠ کيلومترۍ کې پرته ولسوالۍ ده چې د لوګر له نا امنو سيمو څخه شمېرل کېږي.

د يادونې ده، څلور ورځې وړاندې د لوګر په محمد اغې ولسوالۍ کې د امنيتي ځواکونو د عملياتو پر مهال دوه طالب قوماندان و وژل شول او ٧ نور طالبان ژوندي ونيول شول.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement