د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لوګر د عالمانو شورا مرستیال وژل شوی

د لوګر د عالمانو شورا مرستیال وژل شوی

May 22, 2017 - 11:24

پل علم (پژواک، د غبرګولي لومړۍ نېته ٩٦): ناپېژاندو وسله والو د لوګر د عالمانو شورا مرستيال پر ډزو وژلى دى.

د لوګر د والي وياند سليم صالح د غبرګولي په لومړۍ نېټه پژواک خبري اژانس ته وويل چې نن سهار شاوخوا څلور بجې د مرکز اړوند په کلنګار سيمه کې ناپېژاندو وسله والو د دغه ولايت د عالمانو شورا مرستيال مولوي عبدالغفور وژلى دى.

هغه وايي: ((مولوي صاحب له کوره جومات ته روان و چې ډزې يې پرې کړې او وژلى یې دى.))

ده وويل چې مولوي عبدالغفور له هېچا سره دښمني نه لرله او تل يې په هېواد کې د سولې لپاره تبليغ کاوه.

صالح وايي چې پوليس سيمې ته ورغلي او د يادې پېښې د عاملينو د نيولو هلې ځلې يې پيل کړې دي.

د کلنګار سيمې اوسېدونکي سيد داوود پژواک ته وويل: ((مولوي عبدالغفور زموږ د کلي د جامع جومات ملا امام هم و، نن سهار په کلي کې چا پرې ډزې کړې دي او وژلى يې دى.))

ده هم وويل چې مولوي عبدالغفور له چا سره دښمنې نه لرله او د نېکو اخلاقو څښتن و.

د افغان دولت وسله والو مخالفينو تر اوسه په دې اړه څه نه دي ويلي.

کلنګار د لوکر د مرکز پل علم شمال ته په پنځه کيلومترۍ کې پرته سيمه ده چې کنټرول يې د افغان دولت په لاس کې دى.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement