د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د لوګر د خوښۍ ولسوال له دوه ساتونکو سره ټپي شوی

د لوګر د خوښۍ ولسوال له دوه ساتونکو سره ټپي شوی

May 28, 2017 - 12:51

پل علم (پژواک، ٧ غبرګولى ٩٦): د لوګر ولايت د خوښۍ ولسوالۍ ولسوال او دوه ساتونکي يې د وسله والو طالبانو په یوه بريد کې ټپيان شوي دي.

د لوګر د والي وياند سليم صالح د غبرګولي په اتمه پژواک خبري اژانس ته وويل چې نن له غرمې مخکې شاوخوا نهه بجې وسله والو طالبانو د خوښۍ د ولسوال عبدالحميد حامد پر موټر وسله وال بريد کړى دى.

هغه وايي، دغه پېښه هغه مهال د مرکز پل علم په وزير کلا سيمه کې رامنځته شوه چې ولسوال له ولايت څخه ولسوالۍ ته پر لاره و.

ده زياته کړه چې په دې پېښه کې ولسوال او دوه ساتونکي يې ټپيان شوي دي.

صالح وویل چې د پېښې په تور تر اوسه څوک نه دي نيول شوي خو پوليس سيمې ته رسېدلي او پلټنې يې پيل کړې دي.

د لوګر د امنيې قوماندانۍ د جنايي جرمونو پر وړاندې د مبارزې مدير سمونوال محمد جان عابد هم ياده پېښه تاييد کړه او ويې چې ولسوال عبدالحميد حامد د درملنې په موخه کابل ته لېږدول شوى دى.

هغه وايي: ((ولسوال درې مرمۍ لګېدلى خو د مرګ له خطره بچ دى.))

وسله والو طالبانو تر اوسه په دې اړه څه نه دي ويلي.

عبدالحميد حامد له تېرو اتو کلونو راهيسې د لوګر په محمداغې او خوښۍ ولسواليو کې د ولسوال په توګه دنده ترسره کوي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement