د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د تورې بوړې د نيولو لپاره د طالب او داعش وسله والو ترمنځ نښته کې اووه وسله وال وژل شوي

د تورې بوړې د نيولو لپاره د طالب او داعش وسله والو ترمنځ نښته کې اووه وسله وال وژل شوي

Jun 07, 2017 - 14:55

جلال اباد (پژواک، ۱۷ غبرګولی ٩۶): د ننګرهار په پچيراګام ولسوالۍ کې د داعش او طالب وسله والو ترمنځ نښته پيل شوې، چې مسوولين او ځايي خلک دغه جګړه د داعش له لوري د تورې بوړې نيول په ګوته کوي.

د ننګرهار والي محمدګلاب منګل چې د غبرګولي په ۱۷مه يې په ولايتي شورا کې د مطبوعاتي کنفرانس پرمهال خبرې کولې، تاييد کړه چې د پچيراګام په سليمان خېلو کې د داعش او طالب وسله والو ترمنځ نښته روانه ده.

ده زياته کړه، د جګړې له امله له سيمې يو شمېر کورنۍ امن سيمو ته کډه شوي؛ خو شمېر يې لا تر اوسه څرګند نه دی.

د هغه په وينا، په سيمه کې امنيتي ځواکونه د تيارسۍ په حالت کې دي او د داعش د پرمختګ په حالت کې به تعرضي بريدونه ترسره کړي.

والي د هغو اندېښنو په ځواب کې چې ګواکې داعش د تورې بوړې د نيولو هڅه کوي، وويل: ((امکان دې ولري چې داعش دا جګړه د تورې بوړې د نيولو لپاره پلان کړې وي.))

د ننګرهار د ولايتي شورا رييس احمد علي حضرت هم تاييدوي، چې د پچيراګام په سليمان خېلو کې د داعش او طالب وسله والو ترمنځ جګړه روانه ده او موخه يې هم د داعش له لوري د تورې بوړې نيول دي.

نوموړي اندېښنه وښوده چې که داعش د تورې بوړې په نيولو بريالي شي؛ نو د ټول ننګرهار لپاره به لوی خطر وي.

هغه له مرکزي ادارې (کابل) څخه غوښتنه وکړه چې په ننګرهار کې د داعش ځپلو لپاره قوي عمليات پلان کړي او په بېړه دې په چپرهار کې د اوسنۍ جګړې د مهارولو لپاره کوټلي ګامونه پورته کړي.

د پچيراګام يو قومي مشر ملک تور هم وايي چې له پرون راهيسې په سليمان خېلو سيمه کې جګړه روانه ده.

دى زياتوي، د جګړې يوې خواته داعش وسله وال دي او بلې خواته يې ولسي پاڅون کوونکي او وسله وال طالبان دي.

د ملک تور په خبره، داعش وسله وال اوس د تورې بوړې تر يونيم کيلومترۍ رسېدلي او که لږ مقاومت ونه شي؛ نو په ډېرې اسانۍ توره بوړه نيولی شي.

توره بوړه د ننګرهار په پچيراګام ولسوالۍ کې پرته هغه سيمه ده چې له سمڅو يې د القاعده شبکې مشر اسامه بن لادن ګټه پورته کوله.

له بلې خوا د ننګرهار د والي وياند عطاء الله خوږياڼى وايي، په پچيراګام ولسوالۍ کې د وسله والو طالبانو او داعش ډلې ترمنځ د نښتې پرمهال ۷ وسله وال او دوه ملکي وګړي وژل شوي دي.

ده وويل، د پچیراګام په سوري کلي، جودرې، صالح بابا زیارت او وچې لګډې سیمو کې د داعش او په سیمه کې د امنیتي منسوبینو په همکارۍ د ولسي وګړو ترمنځ نښتې پیل شوي، چې په ترڅ کې يې پنځه داعش وسله وال او دوه ولسي وګړي وژل شوي دي.

نوموړي زياته کړه، د معلوماتو له مخې په څو غرنیزو سیمو کې وسله والو طالبانو او داعش ډلو ترمنځ هم نښتې شوي، چې له امله یې د ګڼ شمېر داعش وسله والو د وژل کېدو ترڅنګ دوه وسله وال طالبان هم وژل شوي دي .

د هغه په وينا، په یادو سیمو کې د جګړې له امله سلګونه کورنۍ هم بې ځایه شوې دي .

دواړه وسله والو ډلو تر اوسه په دې اړه رسنيو ته څه نه دي ويلي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement