د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ارګ د کابل نننى ځانمرګى بريد په سختو ټکو غندلى

ارګ د کابل نننى ځانمرګى بريد په سختو ټکو غندلى

Jul 24, 2017 - 12:37

څلورم تعقيب-کابل(پژواک، ٢ زمرى ٩٦): ولسمشر محمد اشرف غني په کابل ښار کې نننى سهارنى بريد چې ٨٠ کسانو ته يې مرګ ژوبله واړوله او مسووليت يې طالبانو واخيست، د اسلامي، انساني او بشري حقونو د اصولو خلاف وباله.

ارګ د يوې خبرپاڼې په خپرولو سره ويلي:((ترهګرو د خپلو جنايتونو په لړ کې يو ځل بيا يو نه بښوونکى او بشري ضد عمل تر سره کړ او د ملکي کارکوونکو پر لېږدوونکي موټر يې د بريد له لارې هغوى ته مرګ ژوبله واړوله.))

سرچينې ليکلي چې افغان امنيتي او دفاعي ځواکونو د جګړې په ډګرونو کې د دولت وسله والو مخالفينو ته درنه مرګ ژوبله ور اړولې او د ورته بريدونو په تر سره کولو  سره يې خپله ناوړه څېره څرګنده کړه.

په اعلاميه کې راغلي چې د دا ډول جنايتونو په تر سره کولو سره د ترهګرو ډلو په اړه د خلکو کرکه ډېره شوې او د خلکو له غندنې سره مواجه شوي دي.

سرچينې ليکي:((جنايت کارانو ثابته کړه چې تل يې اسلامي، انساني او د بشري حقونو اصول تر پښو لاندې کړي او د خپلو جناياتو دوسيه يې د خلکو او خداى تعالى په حضور کې درنه کړې ده.))

په اعلاميه کې راغلي چې افغان حکومت تل له کوم تفکيک پرته د ترهګريزو ډلو پر ځپلو او ورسره مبارزې ټينګار کړى، د همدې موخې لپاره د امنيتي ځواکونو تنظيم او پياوړتيا ته پاملرنه کوي.

سرچينې ليکلي:((افغان ولسمشر د نننۍ پېښې د قربانيانو کورنيو ته تسليت وايي، شهيدانو ته د جنت دعا کوي او ټپيانو ته د بشپړې روغتيا غوښتونکى دى.))

د کورنيو چارو وزارت د معلوماتو له مخې، نن سهار شاوخوا اووه بجې يوه ځانمرګي بريدګر له چاودېدونکو توکو نه د ډک کرولا موټر له لارې د کابل ښار درېيمې امنيتي حوزې د سرکاريز سيمه کې زاول تحصيلي موسسې ته نږدې بريد وکړ.

سرچينې ليکلي چې په دې پېښه کې ٣٦ ملکي وګړل وژل شوي او ٤٤ نور ژوبل شوي، پر دې سربېره د ملکي وګړو درې موټر له منځه تللي او ١٥ هټۍ هم ويجاړې شوې او يا زيان ورسېدلى دى.

د کورنيو چارو وزارت سرپرست وياند نجيب دانش د پېښې په ځاى کې خبريالانو ته وويل چې تر اوسه پورې د بريد موخه نه ده څرګنده شوې.

نوموړي د جزيياتو له ورکړې پرته وويل چې په دې بريد کې د کانونو وزارت يو شمېر کارکوونکي چې په کاسټر موټر کې له ساحې تېرېدل، وژل شوي او ژوبل شوي دي.

د حکومت د اجرايي رياست د دويم مرستيال محمد محقق کور هم د ځانمرګي بريد سيمې ته نږدې  دى.

وسله والو طالبانو د بريد مسووليت منلى دى.

د طالبانو وياند ذبيح الله مجاهد ادعا کوي چې په دې بريد کې يې د ملي امنيت د څلوېښت او نوي رياست پر دوو کاسټر موټرو بريد کړى او ٣٧کارکوونکي يې په کې وژلي دي.

هغه ويلي چې ياد شوي موټر له دوو مياشتو راهيسې د طالبانو تر تعقيب لاندې وو.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement