د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امريکا په کونړ کې د داعش د څلورو مهمو سلاکارانو وژل تاييد کړل

امريکا په کونړ کې د داعش د څلورو مهمو سلاکارانو وژل تاييد کړل

Jul 30, 2017 - 17:19

کابل (پژواک، ٨ زمرى ٩٦) : په افغانستان کې مېشت امريکايي ځواکونه وايي چې په کونړ ولايت کې د دوى د هوايي بريد پر مهال د داعش څلور مهم سلاکاران او قوماندانان وژل شوي دي.

په کابل کې د امريکايي ځواکونو د مطبوعاتي دفتر له خوا د زمري په ٨ مه، پژواک خبري اژانس ته په يوه رالېږل شوې خبرپاڼه کې  راغلي چې دا هوايي بريد د تېرې مياشتې چنګاښ په ٢٠مه، د کونړ په مربوطاتو کې شوى و.

سرچينې زياته کړې، په دې هوايي بريد کې د داعش خراسان څانګې مشر ابو سعيد هم وژل شوى و.

په خبرپاڼه کې راغلي، په دغه بريد کې له ابو سعيد سره يو ځاى د داعش ډلې د مذهبي چارو مسوول شيخ ضياء الله، د داعش قوماندان او د حزب اسلامي پخوانى غړى حاجي شېر الله، په وټه پور ولسوالۍ کې د داعش مشر مولوي خبيب او د داعش د شورا بل غړى اسد الله شامل دي.

په افغانستان کې د امريکا او ناټو ځواکونو عمومي قوماندان جنرال جان نېکولسن ويلي، دوى به په افغانستان کې له کوم ځنډ پرته د داعش پرضد خپلې مبارزې ته ادامه ورکوي.

هغه زياته کړې : (( داعش په افغانستان کې خوندي ځاى نه لري، موږ به يې تر هغه په نښه کوو، څو پورې چې دوى نور افغانستان او سيمې ته ګواښ نه وي.))

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement