د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د دفاع وزارت مرستيال: د موازي حکومت د جوړېدو هڅې مو شنډې کړي

د دفاع وزارت مرستيال: د موازي حکومت د جوړېدو هڅې مو شنډې کړي

Aug 23, 2017 - 19:13

مزارشريف (پژواک، د وږي لومړۍ نېټه، ۹۶): د ملي دفاع وزارت چارواکي وايي، د دښمن هغه هڅې يې چې له لارې يې د موازي حکومت د جوړېدو کوښښ کېده، شنډې کړې دي.

د ملي دفاع وزارت مرستيال ډګر جنرال اقبال علي نادري د وږي په لومړۍ نېټه د شمال زون د ۲۰۹ شاهين قول اردو سرتېرو ته د خبرو پر مهال وويل، افغان ځواکونو د جګړې په ډګر کې دښمن ته ماتې ورکړې ده.

نوموړی چې د شاهين قول اردو د ځينو لوړرتبه مامورينو د ترفيع پيغام راوړلو په موخه شاهين قول اردو ته سفر درلود، په ترڅ کې يې د يادې قولو اردو سرتېرو ته په غونډه کې وينا هم وکړه.

د ملي دفاع وزارت مرستيال وويل، دښمن په دې وروستيو کې درې ستراتيژيک هدفونه لرل، چې دوی شنډ کړل.

نوموړي په افغانستان کې د ځانګړې جغرافيې تر لاسه کېدل، موازي حکومت جوړول او افغان مرکزي حکومت بې باوره کول د وسله والو مخالفينو شوم هدفونه وبلل.

خو هغه ټينګار وکړ چې دښمن يې دغو هدفونو رسېدو ته نه دی پرېښى او له دې وروسته به هم ناکام وي.

د ملي دفاع وزارت مرستيال افغان سرتېرو ته په خطاب کې وويل، ماتې خوړلی دښمن د افغان ځواکونو تر منځ د مذهب، سيمې او قوم  په نامه د نفاق پيدا کېدو هڅه کوي.

خو دى زياتوي: ((موږ او تاسو ټول افغانان يو او د يوه هېواد افغانستان اوسېدونکي يو.))

بلخوا د شمال زون د ۲۰۹ شاهين قول اردو قومندان امان الله مبين د قول اردو سرتېرو د خبرو پر مهال وويل، چې په شمال زون کې يې د دښمن ټولې دسيسې او بريدونه په شا تمبولي دي.

نوموړي زياته کړه: ((افغان ځواکونو په شمال زون کې تور مخي او چلباز دښمن ته سخت ګوزارونه ورکړي دي.))

د هغه په وينا، دښمن هڅه کوله چې د شمال زون ځينې سيمې تر خپلې ولکې لاندې راولي، خو سر پورته کېدو ته يې پرې نه ښودل.

د شاهين قول اردو قومندان وويل، دوی هڅه کوي چې د خاورې او وطن ساتنې پر وړاندې خپل مسووليت همداسې روان وساتي.

د ملي دفاع وزارت مرستيال او ورسره پلاوی يې شاهين قول اردو ته د يادې قول اردو د درې لوړرتبه مامورينو د ترفيع پيغام راوړلو په موخه سفر کړی و.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement