د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بلخ کې د هېواد په کچه ډېر روغتيايي مرکزونه فعال دي

په بلخ کې د هېواد په کچه ډېر روغتيايي مرکزونه فعال دي

Sep 21, 2017 - 18:42

مزارشريف (پژواک، ۳۰ وږی، ۹۶): په بلخ کې د هېواد په کچه ډېر روغتيايي مرکزونه فعال دي، خو بيا هم د دغه ولايت د لرې پرتو کليو اوسېدونکي له روغتيايي اسانتياوو شکايت کوي.

د وږي په ۳۰مه، په دې ولايت کې د دوو روغتيايي مرکزونو د ودانيو د بنسټ ډبرې کېښودل شوې.

په مزارشريف ښار کې يو حوزوي تشخيصيه روغتون او په بلخ ولسوالۍ کې د ۱۵ بستريز روغتون د ودانيو د بنسټ ډبرې کېښودل شوې.

د بلخ د عامې روغتيا رييس ډاکټر ميرويس ربېع وويل، دواړه ودانۍ به تر راتلونکو نهو مياشتو پورې بشپړې شي.

نوموړي بلخ د هېواد په کچه له ډېرو فعالو روغتيايي کلينيکونو لرونکی ولايت ياد کړ.

د هغه په وينا، په ياد ولايت کې د يوه ۶۵۰ بستريز حوزوي روغتون په ګډون ۱۳۵ روغتيايي مرکزونه او کلينيکونه فعال دي.

نوموړي زياته کړه، په ټولو کلينيکونو کې د عامې روغتيا وزارت د تشکيلاتو پر بنسټ کارمندان په چارو اخته دي.

خو د بلخ د لرې پرتو سيمو اوسېدونکي په کلينيکونو کې له شته درمليزو اسانتياوو شکايت کوي.

د شورتېپې ولسوالۍ قومي مشر حاجي رشيد پژواک ته وويل، په ياده ولسوالۍ کې يو کلينيک او بل روغتيايي مرکز فعاليت لري.

خو نوموړي شکايت وکړ چې په دواړو کې له عادي درملنې پرته نورې اسانتياوې نشته.

هغه وويل، دوی اوس اړ دي خپل ناروغان مزارشريف ښار ته ولېږدوي، چې د لارې د خرابۍ له امله يې ډېری وخت د ناروغ ژوند له ګواښ سره مخامخ شي.

د عامې روغتيا رييس په ځينو سيمو کې د روغتيايي اسانتياوو د نشتوالي پخلی کوي، خو ټينګار کوي چې دوی تر خپلې وس د بلخ لرو پرتو سيمو ته د عامې روغتيا وزارت د خدماتو په پام کې نيولو سره اسانتياوې برابرې کړې دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement