د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بلخ مدني فعالان: د سولې لپاره سياسي اراده اړينه ده

د بلخ مدني فعالان: د سولې لپاره سياسي اراده اړينه ده

Sep 23, 2017 - 16:49

مزارشريف (پژواک، د تلې لومړۍ نېټه ۹۶): د بلخ ولايت مدني فعالان ټولنيز اقتصادي فقر، د سياسي ارادې نشتوالی او د بهرنيو استخباراتو لاسوهنه په افغانستان کې د سولې پر وړاندې ستر خنډونه بولي.

په مزارشريف ښار کې د تلې په لومړۍ نېټه، د سولې نړيوالې ورځې په وياړ د شوې غونډې ګډنوالو د پورته مطلب تر څنګ د ملي ګټو تعريف او ملي فکر ته کار کول د سولې لپاره مهم شرطونه وبلل.

ياده غونډه، چې د بېلا بېلو مدني ټولنو په کوربتوب جوړه شوې وه، ځوانانو، د پوهنتونو محصلينو او دولتي چارواکو پکې برخه لرله.

مدني فعال ضياءالله عارفي د دغې غونډې په څنډه کې پژواک خبري اژانس ته وويل، چې ټولنيز اقتصادي فقر، د سياسي ارادې نشتوالی د سولې پر وړاندې کورنيز خنډونه دي، چې بايد دولت يې په له منځه وړلو کې جدي ګامونه هم واخلي.

نوموړي د دې تر څنګ د بهرنيو لاسوهنه په افغانستان کې د سولې پر وړاندې لا ستر خنډ وباله.

د هغه په وينا، لا هم د پاکستاني استخباراتو تر څنګ د سيمې هېوادونه په افغانستان کې د خپلو هراړخيزو لاسوهنو پر مټ د افغان سولې پر وړاندې خنډونه جوړوي.

مدني فعاله بصيره پيغام بيا د شته ستونزو پر وړاندې د افغان ولس او دولت تر منځ همغاړېتوب اړين بولي.

نوموړې زياته کړه، چې خلک د سولې پر تړاو د دولت پر هڅو بې باوره غوندې دي، چې بايد دولت دغه باور بېرته په سمه توګه ژوندی کړي.

د هغې په وينا، د ولس هماغه برخه، چې په دولت کې دخيل دي، په خپله د نظام او خلکو تر منځ ستونزې پيدا کوي.

مېرمن پيغام وويل، چې حکومت او خلک دواړه مسوليت لري، چې د نظام ساتنې لپاره تر منځ شته بې باوري له منځه يوسی او د سولې لپاره زمينه برابره کړي.

مدني فعال او د خصوصي پوهنتون استاد جمشيد فردي بيا وايي، چې د ملي ګټو لپاره د تعريف نشتوالی د سولې پر وړاندې ستر کورنيز خنډ دی.

نوموړي زياته کړه: (( کله چې د ملي ګټو لپاره تعريف ولرو، د ملي ګټو لپاره کار وکړ او د اجتماعي عدالت د پلی کېدو جوګه شوو، نو د سولې راوستو لپاره به مو بستر جوړ کړی وي.))

په ياده غونډه کې د سولې په تړاو د بلخ ولايت د لسګونو خصوصي پوهنتونو د محصلينو تر منځ د مقالو سيالي هم وشوه.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement