د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په لوګر کې قومي مشر وژل شوى

په لوګر کې قومي مشر وژل شوى

Sep 28, 2017 - 12:10

پل علم(پژواک،٦تله٩٦): د لوګر حکومتي چارواکي وايي چې ناپيژنده وسله والو په مرکز پل علم کې يو قومي مشر په ډزو وژلى دى.

د لوګر د والي وياند سليم صالح د تلې په شپږمه پژواک خبري اژانس ته وويل چې تېره شپه ناپيژنده وسله والو د مرکز پل اړوند د هوني سفلى په سيمه کې قومي مشر حاجي محمد اکبر اخندزاده په ډزو وژلى دى.

هغه وايي: (( اخندزاده خپل کور خواته روان و چې موټر سايکل سپرو پرې ډزې کړي او ځاى پرځاى يې وژلى دى.))

صالح وايي چې د دې پېښې په تور تر اوسه څوک نه نيول شوي، خو په اړه يې پلټني روانې دي.

د هغه د معلوماتو له مخې محمد اکبر اخندزاده د خروار ولسوالۍ اصلي اوسيدونکى و، خو د دې ولسوالۍ د اوسيدونکو د ستونزو د حل په موخه په مرکز پل علم کې اوسېده.

دغه راز د خروار ولسوالۍ بل قومي مشر محمد ناصر احمدزي پژواک ته وويل چې قومي مشر محمد اکبر اخندازده له هېچا سره دښمنې نه لرله.

هغه زياته کړه: (( حاجي صاحب ډېر ښه سړى و، له هېچا سره يې کار نه درلوده ،يواځې د خلکو د مشکلاتو د حل لپاره پل علم ته تللى وو.))

د دې پېښې مسووليت تر اوسه کومې وسله والې ډلې په غاړه نه ده اخيستى.

 

 

 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement