د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

افغانستان د ١٩ کلنو کرکټ لوبو کې بنګله دېش ته ماتې ورکړه

افغانستان د ١٩ کلنو کرکټ لوبو کې بنګله دېش ته ماتې ورکړه

Oct 02, 2017 - 14:44

کابل (پژواک، ١٠ تله ٩٦): د افغانستان د ١٩ کلنو کرکټ ملي لوبډلې خپلې بنګله دېشۍ سيالې لوبـډلې ته ستره ماتې ورکړه.

د افغانستان کرکټ بورډ وياند فريد هوتک د تلې په ١٠مه پژواک خبري اژانس ته وويل چې د ١٩ کلنو ملي لوبډله نن خپله درېيمه يوه ورځنۍ لوبه د بنګله دېش له ١٩ کنې لوبډلې سره ترسره کړه.

هغه زياته کړه چې د بنګله دېش لوبډلې لومړۍ توپوهنه وکړه او ټوله لوبډله يې په ٧٥ منډو وسوځېده او افغانستان ته يې د ٧٦ منډو هدف ورکړ.

د افغانستان له لوري نوين الحق درې، طارق ستانکزي دوه، يوسف ځاځي، مجيب ځدراڼ او عصمت الله عمرزي يو يو لوبغاړى وسوځول.

هوتک وايي چې د افغانستان د ١٩ کلنو ملي لوبډلې ياد هدف په ډېرې اسانۍ په اتلسم اوور کې د پنځو لوبغاړو په سوځېدو ترلاسه کړ او لوبه يې وګټله.

نوين الحق د لوبې غوره لوبغاړى اعلان شو.

د دې لوبې په ګټلو سره د افغانستان او بنګله دېش تر منځ د څلورو يو ورځنيو لوبو لړۍ يو، يو مساوي شوه.

تر دې مخکې لومړۍ لوبه بنګله دېش ګټلې وه او دويمه لوبه د باران له امله بې پايلې پاتې شوې وه. 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement