د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوګر کې يو ښوونکى ووژل شو

لوګر کې يو ښوونکى ووژل شو

Nov 14, 2017 - 15:53

پل علم (پژواک،۲۳لړم۹۶): د لوګر  په مرکز کې ناپېژانده وسله والو يو ښوونکى پر  ډزو وژلى دى.

د لوګر د پوهنې رياست وياند محمد شاپور عرب د لړم په ٢٣مه پژواک خبري اژانس ته وويل چې تېرماښام ناپېژانده وسله والو د مرکز اړوند د کماخېلو لېسې ښوونکى اسدالله پر  ډزو وژلى دى.

هغه وايي: (( استاد له جومات نه کورته راون و چې ډزې پرې شوي او وژل شوى دى.))

د هغه د معلوماتو له مخې، نوموړي استاد ٦٣ کاله عمر درلود او له تېرو ١٨ کلونو راهيسې تدريس کاوه.

عرب  وایي چې هغه د لوګر په محمدي دارالعلوم کې د دیني علومو په څانګه کې نیمه لوړې زده کړې کړې وې او د دیني علومو استاد و.

ده وويل چې د پېښې په تور څوک نه دي نيول شوي خو په اړه يې پلټنې روانې دي.

 د اړوندې موضوع په اړه د کمالخېلو يوه اوسېدونکي الیاس پژواک ته وویل چې اسدالله په کلي کې له چا سره دښمني نه درلوه او دا هم نه ده څرګنده چې پېښه  څه ډول رامنځته شوې ده.

د لوګر د امنيې قوماندانۍ وياند شاپور احمدزي د ښوونکي وژل کېدل تايید کړل او ويې ويل چې د پېښې په تړاو څېړنې پيل شوې دي.

 د یادونې ده چې سږکال په دې ولایت کې څلور ښوونکي او شپږ زده کونکي تر اوسه وژل شوي دي.

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement