د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د منځنۍ اسيا هېوادونو او روسيې د افغان سولې له بهیر څخه ملاتړ وکړ

د منځنۍ اسيا هېوادونو او روسيې د افغان سولې له بهیر څخه ملاتړ وکړ

Nov 23, 2017 - 18:17

کابل (پژواک ٢ ليندۍ ٩٦): د منځنۍ اسيا او روسيې د ملي امنيت سلاکارانو د افغان سولې له بهیر څخه ملاتړ وکړ.

د ملي امنيت شورا له دفتر څخه په خپره شوې خبرپاڼه چې يوه کاپي يې پژواک خبري اژانس ته رارسېدلې، راغلي چې د افغانستان د ملي امنیت سلاکار محمد حنیف اتمر په روسیه کې د افغانستان، روسیې او منځنۍ اسیا د څلورو هېوادونو په ګډون د ملي امنیت د سلاکارانو په ګډه ناسته کې برخه واخیسته.

سرچينه کاږي، دغه ناسته چې هر کال دایریږي، دا لومړی ځل دی چې افغانستان په دې ناستې کې د ګدون په موخه په رسمي توګه بلل کیږي. په دې ناسته کې افغان پلاوي د افغانستان د ملي امنیت سلاکار په مشرۍ ګډون وکړ او د ناستې ګډونوالو ته یې د سیمه ییز ثبات په موخه څلور مهمې طرحې وړاندې کړې.

سرچينه زياتوي، حنیف اتمر په دې ناسته کې له ترهګرۍ سره د مشترکې مبارزې پر څرنګوالي، د نشه توکو د قاچاق او سازمان شوو جرمونو د مخنیوي، سولې او اقتصادي همکاري د ښه والي لپاره د څلورو مهمو طرحو په اړه د غونډې ګډنوالو ته جزئیات وړاندې کړل.

د خبرپاڼې په حواله، د ناستې برخه والو د ملي امنیت سلاکار له طرحو او وړاندیزونو څخه تود هرکلی وکړ او له افغان پلاوی څخه یې وغوښتل، ترڅو د عملي همکاریو د ایجاد په موخه طرحې او وړاندیزونه په لیکلي بڼه د ناستو هېوادونو له استازو شریک کړي.

په خبرپاڼه کې راغلي چې په دې ناسته کې را غونډو شویو د ملي امنیت سلاکارانو د افغان سولې له بهیر څخه ملاتړ وکړ او د افغانستان د ملي امنیت د سلاکار له خوا وړاندیز شوي طرحې او وړاندیزونه یې معقول وبلل.

په ناسته کې پرېکړه شوې، چې د سیمه ییز ثبات، ترهګرۍ سره مشترکې مبارزې او نشه یي توکو د قاچاق د مخنیوي په تړاو د شوو بحثونو او وړاندیزونو په رابطه به د ناستې ګډوال د اړوندو هېوادونو له ولسمشرانو سره خبرې کوي.

ټاکل شوې چې د ملي امنیت د سلاکارانو راتلونکې غونډه کې په همدې موضوعاتو بحثونه وشي.

د خبرپاڼې د معلوماتو پربنسټ، د افغانستان د ملي امنیت سلاکار محمد حنیف اتمر د روسیې فدراتیف جمهوریت، تاجکستان، ازبکستان، قزاقستان، بلاروس او قرغزستان د ملي امنیت له سلاکارانو سره دوه اړخیزې او څو اړخیزې ناستې درلودې چې په ترڅ کې یې د سولې او اقتصادي همکاریو پر بهبود خبرې وشوې.

نښه: 

ورته راپورونه:


Download “Pajhwok” mobile App, on your smartphone to read and access latest news, features, interviews, videos and photos about Afghanistan.

   

نظر ورکړئ

اعلانونه

Advertisement